Am 7. August isch «Fragaria»

De Verein Tanzmat organisiert e Techno-Party. Si find am 7.August nebem Erdbeerifäld bim Tägi statt.
Nach fascht 1 1/2 Johr Pandemie isch de Wunsch nach Party bi vilne gross. Wil s Risiko vonere Aasteckige im Freie vil tüüfer isch, wi in gschlossene Rüüm, isch s Erdbeerifäld de ideali Ort für so en Event, hend sich schints d Organisatore vo Tanzmat denkd.
D «Fragaria», also d Techno-Party im Erdebeerifäld, bietet meh wi 12 DJs uf 2 Floors. Am Samschtig, 7. Auguscht 2021 wird me bim Tägi vom 12i am Mittag bis um 12i um Mitternacht voll uf sini Choschte cho, we me vorher do es Ticket chaufd. Au bim Aalass selber gits Tickets und für Spiis und Trank isch selbstverständlich gsorged. Es bruuchd es gültigs Covid-Zertifikat zum inneglah werde.