Früehner heds in Wettige etlichi Musik-Gsellschafte gäh, wos hüt nüm so ged.
Zum Biispiel heds e Jugendmusik gä, wo Jugenlichi ihri Begabig händ chönne fördere. Hütt chamer die Gsellschafte, wo no bestönd, fast a einere Hand abzälle. Under dene esch d TVWU, Tambourenvereinigung Wettingen und Umgebung, wo im Johr 1984 durch d Harmonie Wettinge-Kloster, Jägermusik Wettinge, Musikgesellschaft Neuenhof und de Jugenmusik Wettinge gegründet worde esch.
Wil de Verein us ca. 12 Mitgleider bstood .. plus zwei neui, wo dezuestoosed, esch s Budget au ehnder ned so gross, vor allem denn, wenn neui Uniforme für neui Mitglieder oder ebe au für Jungtamboure beschafft werde söttet. Do esch de Verein froh um jedi Spend und Unterstützig.
Jetzt häd TUWV uf de Sitte Lokalhelden e Spendeaktion gstartet. Unter folgendem Link chamer jetzt de Verein direkt unterstütze:
TVWU Uniformen – Lokalhelden.ch – Crowdfunding Plattform von Raiffeisen Schweiz
Uf de Huus-Sitte vo de Tamboure findet Ihr meh Infos dezue plus das Video:
Am kommende 1. August 2021, öppe ab de 12i cha mer die Tamboure im Rahme vo de Bundesfiir uf em Rathuusplatz bem Spiele gseh und ghöre und secher au direkt unterstütze.
Do de Link zo de Huss-Sitte: