Am Sunntig, 27. Juni 2021 isch uf em Scharte s Finalturnier im Feldhandball. De SV Lägere isch als amtierende Cupsieger mit derbi.
Feldhandball isch di ursprünglich Art vom Handball, wo numme no vo wenige Verein pflägd wird, aber absolut sehenswert isch. D Chance bieted sich am Sunntig, wenn es uf em Scharte um de Grossfeld-Cup goht. De SV Lägere, wo immer no Cupsieger isch, trifft in de Vorrundi uf d Teams vo Aarau, Andelfinge und Biu/Bienne. In de zwöite Gruppe spiled Zofige, Horge/Wädenswil, Appizöll und s SPL1 Fraueteam vo Thun.
D Spiel started um 9i am Morge und ab de Zwöi am Namittag sind d Finalspiel planed.
Für Spies und Trank isch gsorged und de SV Lägere würd sich über vili Zurschauerinne und Zueschauer froie, wo en Sport chönnd erläbe, wo an de Wiege vom Hallehandball gstande het.