Am Tsischtig, 15. Juni 2021 isch es no genau eis Johr gsi, bis s Aargauer Kantoallturnfäscht aafaht. Für d Organisatore en Grund zum Fiire.
Corona het au uf d Organisation vom Kantonale Turnfäscht (KTF) Uswirkige gha und het si au no. Noch isch es au ned 100% sicher, dass es cha stattfinde, aber s OK isch zueversichtlich.
D Vorfroid isch z gspüre gsi, wo gester, genau 365 Tag vor em Beginn vom KTF, d Bustaufi stattgfunde het. S OK, wo us 60 Lüt bestoht, het sich zum Teil zum erscht Mol überhaupt physisch gseh. Alli Sitzig hend vorher online stattgfunde. Au d Aazahl Gäst bi dem Startevent isch überschaubar gsi, het doch Corona au do de Takt vorgeh.
Mir hend am Aafang vom Aalass chönne debi si und geb oi gärn en chline Iidruck…