Alli, wo au numme in Aasätz wichtig finded, historischs Erb z bewahre, setted begeischtered si vo dem, wo d «Stiftig Gsundheitsförderig Bad Zurzach und Bade» im Verenahof-Gviert z Ännetwettige leischtet. Mit em Bau vo de Rehaklinik im Verenahof, em Ochse und em Bäre het d Stiftig e gross Useforderig aagnoh.
Es isch es Glück für d Stadt Bade (=Ännetwettige) und d kantonali Denkmalpfläg, dass sich überhaupt öpper de Useforderig stelld, de Verenahof, de Ochse und de Bäre z saniere. Lang sind d Gebäud leergstande, i dene es au Muurrescht us de Römerziit git. De Anthony Strub, Gsamtprojektleiter vom Fortyseven und em Verenahof-Gviert im Bäderquartier, isch mit ois dur de Verenahof, de Ochse und de Bäre und het ois vil spannends zeiged. Damit au ihr en Iiblick chönnd übecho, hend mir drus es Video gmachd, wo sich zum Luege lohnt, au wenns fascht 50 Minute goht: