D Polizei suecht Züüge nacheme tödliche Unfall

Am früehe Abe vom Fritig, 21. Mai 2021 het en 62-jährige Tamil mit em Töffli en tödliche Unfall gha. D Polizei suecht Züüge.

Es isch e truurig Gschicht, dere d Kantonspolizei (Kapo) wot uf de Grund goh. In de zueghörige Mediemitteilig wird gschildered, was bisher über de Hergang vom Unfall bekannt isch.

De 62-Jährig isch schints uf em Wäg vo Noiehof uf Wettige gsi und isch dann nacheme Unfall allei wider hei. Sini Familie het zunächst de Iidruch gha, er heig numme harmlosi Verletzige, het en aber, wo es ihm immer schlechter gange isch, ins s Spital brochd, wo er gschtorbe isch. D Polizei isch dann am Sunntig über de Todesfall informiert worde und versuechd jetzt, de Ort und d Umstände vom tödliche Unfall z kläre. De genaui Unfallort wi au de Unfallhergang sind no ned bekannt. Wer Aagabe zum Unfall cha mache, sell sich bim Stützpunkt vo de Kapo z Bade (Tel. 056 200 11 11) melde.