De Iiwohnerrot het in sinere Sitzig vom 19. November 2021 d Totalrevision vo de Gmeindordnig bschlosse. Wil d Gmeindordnig d «Verfassig» vo Wettige isch, hend d Stimmbürger s letschti Wort.
Di aktuell Gmeindordnig isch us em Johr 2003. I de vergangene Johr het sich zeiged, dass es in verschidnige Bereich Änderige oder Ergänzige notwendig oder wünschenswert sind. Zudem stönd in de hütige Version vili Bstimmige, wo im kantonale Recht und im Gschäftsreglement vom Iiwohnerrot scho gregled sind. Us dem Grund het de Iiwohnerrot, nacheme öppe 2-jährige Prozess, im November 2020 di noi Gmeindordnig bschlosse. Si het numme no 14 Paragrafe, statt de bisherige 45, wil alles gschtriche worde isch, wo an andere Stell scho gregled isch.