En Wettiger cha no Aargauer Sportler vom Johr werde

Di erschti Rundi vo de Wahl zum Aargauer Sportler vom Johr isch verbi. De Marcel Käufeler isch no im Renne.

Bim Online-Voting für de Sportler/d Sportleri/s Team vom Johr 2020 sind nebem Curler Marcel Käufeler au d Fraue vo Rotwys debi gsi. Leider isch in dere erschte Rundi ned numme das erfolgreiche Dame-Team, sondern grad alli nominierte Fraue usgschide. «Das hett mi enttüscht», said de Marcel Käufeler, freut sich aber, unter de letschte vier z si.

Bi de Aargauer Sport-Gala am 5. März 2021 wird sich zeige, wer vo de vier nominierte (Fanion-Team vom FC Aarau, de Ex-Wettiger Scott Bärlocher, de Judoka Daniel Eich und di beide Aargauer Curler vom Team Bern Zähringer, de Romano Meier und de Marcel Käufeler) zum Schluss d Nase vorne wird ha.
Abstimme cha me do: vote.aargauersport.ch