Bis zum 27. Januar 2021 cha me bi de Wahl vo de Sportler vom Johr mitmache. Wettige isch prominent verträte.
S Corona-Johr füehrt dezue, dass s Wahlprozedere fürde/die «Aargauer Sportler/in des Jahres» anderscht isch wi schuscht. Statt ere Fachjury, wo säschs Kandidierendi uswählt, hend alli Aargauer Sportverbände es Team, en Sportler oder e Sportleri dörfe für d Wahl nominiere.
Mit derbi sind de Wettiger Curler Marcel Käufeler mit em Team Schwaller, d Damemannschaft vo Rotwys und au en Bezug zu Wettige het de Scott Bärlocher, wo z Wettige und z Würelos ufgwachse isch.
Jetzt laufds Online-Voting no bis zum 27. Januar. Di beste vier Mannschafte/Sportler/Sportlerinne werded danach ineme zwöite Wahlgang de Titel Aargauer Sportler/i vom Johre unter sich usmachen. Abstimme chönnd ihr do: https://aargauersport.ch/sportgala-2020-nominierte