S Chloster als Teil vom Museum Aargau rückt nöcher

D Integration vom Chloster Wettige ins Museum Aargau isch en Absicht, wo schon länger verfolged wird. Jetzt ligd bi de Gmeind es Baugsuech uf.
D Idee, dass s Chloster Wettige en Teil vom Museum Aargau chönnd werde, zu dem unter anderem au s Schloss Länzbrg und d Chloschterchile z Königsfälde ghöred, goht uf en Vorstoss vom Markus Dieth us em Johr 2012 zruck, wo vom Regierigsrot entgegegnoh worde isch. Au d Regionale 2025 het sich das Projäkt uf d Fahne gschribe.
Bald nün Johr isch es her, dass de Markus Dieth de Vorstoss iigreicht het und sit de Entgegenahm sind im Hintergund vili Vorbereitige gloffe und au di erschte Arbeite, wo mit de Integration vom Chloster ins Museum zammehanged, sind in Aagriff gnoh worde. Bim Abthüsli cha me das guet gseh. Noi ligd jetzt es Baugsuech vom Kanton bi de Gmeind uf. S Bsuecherzentrum sell demnach gegenüber vom Stärne iigrichtet werde, i dem Gebäud wo di öffentliche WC sind. Au s Parlatorium, wo me vom Chrüzgang cha erreiche und ebe d Abthüsli sind im Baugsuech mit inbegriffe.