Gottesdienst mit Tradition in de Pfarrchile St. Sebastian

v.l.n.r.: Lutz Fischer-Lamprecht, Markus Heil, Wolfgang Kunicki

Jewils im Januar isch d Woche vo de Einheit vo de Christe. Das isch sit Jahrzehnt de Aalass für en ökumenische Gottesdienst.

Im Januar find jedes Johr reihum in einere vo de Chilene z Wettige de ökumenisch Gottesdienst zu de Einheit vo de Christen statt. Traditionell derbi sind die drü Landeschilene mit de römische Katholike, de Reformierte und de Christkatholike. Am Sonntig, 10. Januar 2021 sind Christen us allne drü Chilegmeinde zum Gottesdienst in de Chile St. Sebastian zämmecho. Gestaltet worde isch de Gottesdienst vom Gmeindleiter Markus Heil (römisch-katholisch) und de Pfärrer Wolfgang Kunicki (christkatholisch) und Lutz Fischer-Lamprecht (reformiert) nachere Liturgie vo de Schwestere vo Grandchamps, wo für das Johr di Text für de ganz dütschsprochig Ruum gschribe hend.