En 21-Jährige Maa isch am Mentig ineme gstohlen Auto vor de Polizei gflüchted. Wit cho isch er ned.
Wi d Kantonspolizei inere Mediemitteilig schriibd, isch ere Patrouille vo de Regionalpolizei Wettige-Limmattal am Mentig, 28. Dezember 2020 en ältere VW Polo ufgfalle, wo gehe di Nüni biere Tankstell gsi isch.
Wo d Poliziste de Maa hend welle kontrolliere, isch er gflüchted. Zämme mitere witere Patrouille hend d Poliziste d Verfolgig ufgnoh. De Flüchtend isch mit höcher Gschwindigkeit devo gfahre und het in eme Chreisel es anders Auto gstreift, isch aber witergfahre. Wo er dann in e Sackgass gfahre isch, het er chönne feschtgnoh werde.
Es het sich zeiged, dass de Zürcher vili Gründ für sini Flucht gha het: er het kein Führeruswiis gha, s Auto isch gstohlen gsi, zudem isch er starch alkoholisiert gsi. Wege Verdacht uf Drogeiifluss het d Staatsaawaltschaft au no e Bluet- und Urinprobe aagordned.