Di hütig Iiwohnerrotssitzig esch mit Spannig erwartet worde. Wegeme Coronafall het si de Präsident abgsaid.
D Fraktione werde erscht im November in Sache Budget «d Klinge chrüze», so vil esch scho klar. D Traktande sölled am 12. November behandlet werde.
De Grund esch, dass e Person, wo no nüd vo de Infektion gahnt her, aafangs Woche no bi de Fraktionssitzig gsi isch. Di andere aawesende Persone müend vermuetlech in Quarantäne, aber s Tracingcenter cha ned eso schnell reagiere, dass das zum jetzige Ziitpunkt scho klar wär. Um z verhindere, dass e spöter vilicht positiv teschteti Person mit allne Iiwohner- und Gmeindröt in Kontakt chunnd, esch di hütig Sitzig abgsaid worde.
Mer wünsche de infizierte Person gueti und baldigi Besserig.