Im November 2019 het d Post mitteild gha, dass si all drü Wettiger Filiale wot schlüsse und mit de Postagentur im Volg und eme noie Standort wot kutschiere. Das mit em noie Standort wird jetzt nüd.
Wi s Badener Tagblatt schriibd, het d Post di ursprüngliche Plän für e noii Postfiliale, wo di zwöi bestehende het selle ersetze, ufgeh. De Grund isch di erfolglosi Suechi nacheme geignete Standort.
Wil z Wettige nebe de Postagentur bim Volg uf jede Fall e Postfiliale sell bliibe, wird jetzt d Post Wettige-Dorf a de Bahnhofstrass saniert werde. D Bauiigab sell Änds November 2020 iigreicht werde. We di Sanierig abgschlosse isch, wird d Filiale im Langestei gschlosse. Dodefür werded d Öffnigsziite a de Bahnhofstrass verlängered und es sell in Zuekunft e Informations- und Berotigszone geh und vier Postschalter, schriibd s Badener Tagblatt.