Littering isch au z Wettige es Problem

Im Grosse Rat isch hüt en Interpellation beantworted worde, wo sich u.a. mit de Buesse befasst het, wo sit em 1. Januar 2020 für Littering chönnd usgschproche werde. Mir hend mit em Gmeindammee Roland Kuster übers Thema gred.
Achtlos en Zigarettekippe uf de Bode rühre, e Colabüchse in e Wise oder e Plastikverpackig bim Bänkli unterhalb vom Chrüz uf em Sulperg lige, all das cha sit em 1. Januar im Kanton Aargau mitere Buess vo bis zu 300.- Franke büesst werde. D Täter debi z verwütsche isch ned eso eifach, am beschte wär aber eh, wenns niemed würd mache.
Im Grosse Rat het me hüt chönne erfahre, dass bis Mitti Mai 2020 im Kanton 41 Buesse nach em noie Gsetz usgschtellt worde sind. De Gmeindamme Roland Kuster het ois mitteild, dass fascht d Hälfti devo vo de Regionalpolizei Wettige-Limmattal usgschtellt worde sind. Mir hend mit ihm über d Situation rund ums Littering gred: