Am Samstig, 15. August 2020 isch de FC Wettige im Schwiizercup gege de SC Schöftle aaträte. Es isch sit em freiwillige Abstieg de erschti Pflichtmatch gsi.
D Froid z Wettige isch gross gsi, wo sich de FC per Los für de Schwiizercup qualifiert het. Am Samschtig het d Fanion-Team dann i de 1. Runde gege Schöftle müesse aaträte. De Match isch lang usgliche gsi. Beidi Team hend de Iidruck vermittle, lieber keis Goal z schüsse, statt eis z übecho.
So isch het es dann au nach de reguläre Spielziit 0:0 gheisse. Beidi Team sind mit de Chräft scho rächt am Ändi gsi, wo si zusätzlich 2×15 Minute hend müesse spile. Durch zwei blödi Goal isch de FC in de 1. Halbziit vo de Verlängerig in Rückstand cho und es isch am Aafang vo de 2. Halbziit vermuetlich allne Zueschauer klar gsi, dass das jungi, noi formierti Team us Wettige gege di routinierte Schöftler kei Chance meh wird ha. So isch es bim 0:2 blibe und d Hoffnig uf en hochkarätige Gegner wie de FCB oder YB hend sich zerschlagen. Aber i den junge Team steckt en Potential, das het me au chönne gseh.