Vor eim Jahr isch de «Atmosphäre»-Bus als Werbeträger fürs Fäscht zu 975 Johr Wettige gschtarted. Hüt, 14. August 2020 sind d Sponsore, Gönner und s OK uf Abschiedstour gsi.
D Coronakrise het im Mai zu de Absag vo de Atmosphäre gführt. De «Atmosphäre»-Bus isch gliichwohl no unterwägs gsi, au wil d Sponsore noch e Leischtig für ihres Gäld hend selle übecho. Sponsore hend es au mögli gmachd, dass hüt, wo de Start zum Fäscht het selle si, en chline Aalass het chönne stattfinde, um de Bus z verabschiede.
Vo de Zirkuswise isch es 2x über d Zentralstrass, d Staffelstrass, d Landstrass und d Zwyssigstrasse und zum Schluss in d Busgarage vom RVBW gange, wo de Aalass miteme Apéro usklunge isch.