Am Sonntig, 9. Auguscht 2020 het en 67-jährige Automobilist en Unfall verursachd. De Führeruswiis het er erscht emol müesse abgeh.
Gege di Halbiföifi het geschter en Volvofahrer vo de Märzegass nach links in d Landstrass welle abbiege, wo er en Mini überseh het, wo Richtig Bade unterwägs gsi isch. De Mini isch ins Schlüdere cho und gege d Fahrrichtig vor em Coiffeursalon i de Sunne stah blibe. Obwohl d Ambulanz cho isch, het sich niemed verletzt gha, mol abgseh vo lichte Schürfige und Prellige.
D Ambulanz het de Unfallverursscher, wo en verwirrte Iidruck gmachd het, ins Spital brochd. Wil er muetmasslich numme iigschränkt fahrfähig gsi isch, het de 67- Jährig de Fahruswiis müesse vorläufig abgeh. D Staatsawaltschaft het e Urin- und Bluetprob aagordned.