D Red vo de Grossratspräsidenti Edith Saner isch i dem Johr numme als Video z ha, aber si isch hüt gliichwohl z Wettige gsi. Si het ihre Aasproch nämli wenischtens im Gmeindrot persönlich welle überbringe.
D Idee isch vo de Edith Saner cho, wo es speziells Grossrotspräsidium erläbt. Während ihri Vorgängeri, d Renata Siegrist us Zofige, i ihrem Präsidialjohr hunderti vo Termin gha het, isch bi de Edith Saner d Agenda sit Mitti März im Prinzip leer gsi und füllt sich numme langsam. Si het nebe die Videoaasproch, wo me do cha aaluege, zumindest em Gmeindrot d Red symbolisch welle überreiche. Us dem Grund isch si mit em Gmeindrot und Medieverträter uf em Rothuusplatz coronakonform zämme cho. Wil si hüt am Abe au no z Böötschde iiglade gsi wär, isch au de Gmeindrot vo dete iiglade gsi und i Form vom Gmeindamme, em Patrick Gosteli, verträte gsi.
Au de Landamme Markus Dieth het es sich ned lah neh, bi dem symbolische Akt uf em Rothuusplatz derbi z si.
Mir sind mit de Kamera derbi gsi: