D Holz- und d Iisebrigg, wo s Chloschter mit Noiehof verbind, isch ineme schlächt Zuestand. Si wird saniert.
Di alti Brugg zwüsche Wettige und Noiehof , wo einisch en Teil vo de Kantonsstrass gsi isch, bestoht us de Holzbrugg und uf de Wettiger Site au usere Iisebrugg. Beidi sind scho sit Jahre imene schlächte Zuestand und müend dringend saniert werde.
Wi d Gmeind jetzt bekannt geh het, hend di Bauarbeite geschter mit de Installation vo de Baustell aagfange. In zwöi Bauetappe wird z erscht d Holzbrugg und ab em November d Iisebrugg instandgstelld werde.
D Schäde am Holz- und Iisetragwerk, d Fassadehut und s Dach werde ebeso instandgstelld, wi de Fahrbahn- und Trottoirbelag. Au di zahlriiche Werkleitig unter de Holzbrugg werded i dere Zit ernoiered.
D Brugg muess us Sicherheitsgründ gschperrt werde und wird vorussichtlich im Sommer 2021 wider göffnet. D Umleitig wird signalisierd.