Stabsübergab bim Roundabout

Di reformiert Chile Wettige-Neuehof bieted sid einige Johr zämme mit am Blaue Chrüz s roundabout aa. Meitli ab de zwölfi träffed sich dete zum Tanze und Chille.

Am Fritig, 8. November 2019 het bi de Meitlitanzgruppe roundabout di offiziell Stabsübergab stattgfunde.
D Regionalleiteri Chantal Altorfer het a di neu Gruppenleiteri Nadine Kurz-Waltenspühl übergeh.

Di neu Tanzleiteri, wo scho viel Erfahrig het, übernimmt di jungi Meitligruppe, wo sich im reformierte Chilegmeindhuus trifft.

Dete sind alli Meitli und junge Fraue zwüsche 12 und 20 willkomme, wo gärn Street Dance tanze und emal ohni Bube wend zämme si.

Nachere eijährige Pause het d Gruppe ihres Comeback gut annebrochd. Sit de Herbschtferie isch mit beide Leiterinne trainiert worde, ab sofort leited d Nadine d Gruppe eleige.
Schpöteschtens im Früehlig wot d Gruppe parat für en erscht Uftritt si.

In de Gruppe isch no Platz für witeri Meitli und d Tänzerinne würded sich über witri Tänzerinne freue. roundabout isch jede Fritig (abgseh vo de Schuelferie) vom Sächsi am Abe bis um Halbiachti im Tanzruum vo de reformierte Chile. Bi Froge cha me sich a de Migi Schatzmann wende (Tel. 056 437 30 32; Mail
michael.schatzmann(at) ref-wett-nhf.ch)