Vor einige Woche sind National-, Stände- und Regiirogsrotswahle gsi und zwöi Wettigerinne sind in de Nationalrot gwählt worde. De zwöit Wahlgang für de Stände- und de Regierigsrot isch am 24. November 2019. Au da liegd e Wettigeri guet im Ränne.
Mit de Wahl vo de Yvonne Feri (SP) und noi de Lilian Studer (EVP) het Wettige zwöi Natioalrötinne. En ähnlichi Konstellation hets scho einisch geh, wo d Doris Stump und de Heiner Studer ebefalls glichzitig Nationalröt si gsi.
Wil d Yvonne Feri für de Regiirigsrot kandidiert, cha es aber si, dass Wettige nach em 24. November 2019 numme no ei Nationalröti het. Das würd aber es Novum mit sich bringe, hetti Wettige mit em Markus Dieth dann ned numme ein Regiirigsrot (wohlgmerkt de erschti überhaupt), sondern mit de Yvonne Feri grad no e zwöiti.
Au im Grosse Rot wirds en Änderig geh, wo Wettige tangierd: Ufgrund vo ihre Wahl i de Nationalrot het d Lilian Studer hüt, Tsischtig, 12. November 2019 im Grosse Rot nach 17 Johr ihre Rücktritt erklärt.