De FC gwünnt sin Cup-Match

Wege de schlechte Platzverhältnis im Stadion Alteburg isch de FC Wettige ins Esp, de Heimat vom FC Bade usgwiche. Mit Erfolg!

5:2 hets zum Schluss gheisse, vom Cup-Match vom FC Wettige gege de FC Hergiswil. Was macheme souveräne Sieg tönd, het zwüsche de 60. und de 88. Minute uf de Kippe gschtande.

Nach em 1:0 durch de Anel Hodzic i de 26., em 2:0 durch de Daniel Häfeli i de 27. und em 3:0 durch de Kürsat Kiybar i de 35. Minute, het de Vorsprung guet tönd und au di aafängliche Problem mit em Kunschtrase sind i de Hintergrund träte. Mit em 3:1 isch Hergiswil dann aber de Aaschlussträffer glunge und nach em 3:2 i de 60. Minute isch de Match wider offe gsi. De Usgliich für Hergiswil isch in de Luft gläge, aber i de 88. het de Anel Hodiz mit sim zwöite Goal i dere Partie d Zeiche wider uf Sieg gschtellt. Zum Schluss het de Atanas Angelov mit sim Goal zum 5:2 (90′) alles klar gmachd und de FC isch im Cup e Rundi witer.