Wi d Chelepfläg vo de römisch-katholische Chelegmeind mitteild, het d Pfarreileiteri a. i. ihri Stell künd. De zueständig Bischof vo Basel, de Felix Gmür het ihri Demission aagnoh.
Was d Spatz scho i de letschte Woche vo de Dächer pfiffe hend, isch jetzt im katholische Pfarreiblatt Horizonte bestätiged worde. Uf Ändi Juli 2019 hed d Ulrike Zimmermann ihri Stell künd. Si isch in ihre Ziit hiir im Limmattal für die beide Pfarreie St. Anton und St. Sebastian z Wettige und St. Maria z Würelos zueständig gsi. Verabschiided wird si im Gottesdienst am Herrgottstag (Fronlichnam), wo am Donnschtig, 20. Juni um Halbizähni am Morge aafaht. Im gliiche Gottesdienscht werded au d Maria Antonia Flamm und d Rita Maria Amschler verabschiided.