Am Fritig, 24. Auguscht 2018 het de FC s 25-jährigi Jubiläum vo sinere Noigründig gfiired. Dazu sind ehemaligi Wettiger Fuessballstars ins Alteburg cho.
Scho vor em Match het me gmerkt, dass öppis bsunders los isch, im altehrwürdige Stadion Alteburg. D Zueschauer hend am Iigang e chli müesse warte, bis si inne hend chönne, so gross isch de Aadrang an Zueschauer gsi. D Legende sind vor em Match einzeln vorgschtellt worde. Für di Zueschauer, wo di goldige Ziite vom FC miterläbt hend, sind vili Erinnerige wach worde und so mancher Fan het es alts Trikot und d Schals füregnoh, um in de richtige Chleider derbi z si.
De aaschlüssed Match isch kurzweilig gsi, au will es. En würkliche Plauschmatsch gsi isch. Di aktuell Mannschaft vom FC, verstärkt durch de Gmeindamme Roland Kuster, het sich im Tempo an d Seniore aapassd und ihne au vor em Goal immer wider de Vortritt glah. So sind vili Goal gfalle in dere eistündige Spilziit (2×30 Minute) und d Legende hend zum Schluss 11:4 gunne.
Nach em Match sind vor allem di junge Fans uf de Platz, um Unterschrifte oder anderes z ergattere. Der Legendmatch wird de Aawesende vermuetlich lang in guter Erinnerig bliibe.
