Bi de Parkplätz uf de Weschtsite vom Rothuus sind Bäum gfällt worde. De Grund isch de Gsundheitszuestand vo de Bäum gsi. Demnächscht wird au de Parkplatz saniirt.
Ufmerksame Bsuecher vom Wochemärt und vom Rothuus isch es sicher scho ufgfalle: Uf em Parkplatz fähled drü Bäum. D Gmeind informiird jetzt in ere Medienmitteilig, dass d Bäum vom Werchhof sind umtah worde, will si chrank gsi si. Vom 3. bis zum 13. September 2018 sind d Parkplätz gschperrt, d Zuefahrt numme vom 11. bis zum 13. September, will dann de Belag iibaud wird. NAch em Abschluss vo de Saniirigsarbeite werded dann im Lauf vom Oktober noii Bäum pflanzd.
De Wochemärt finded ganz normal statt, d Bsuecherinne und Bsuecher wo mit em Auto chömmed, müend aber d Parkplätz hinter em Rothuus bruuche.