Wettige isch bi Familie beliebt und so bruuchds meh Platz für d Schüelerinne und Schüeler. Für d Chindsgichind isch in de Überbauig im Klosterbrühl en noie Chindergarte in Betrieb gnoh worde.
Sit a noie Schueljohr aagfange het, gits au es fröhlichs Triibe a de Gruebestross 18. In de Überbauig vo de «Lägere Wohne» het d Gmeind en Chindergarte iigrichted, wo am letschte Fritig vom Martin Egloff, zueständige Gmeindrot für Hochbau an de Christian Wassmer, em zueständige Gmeindrot für d Schuel, de Chindegarte symbolisch mit eme Schlüssel het chönne übergeh.
D Anina Meile, Schuelleiterin vo de Chindergärte, het Froid gha, dass der 22. Wettiger Chindergarte sit em Sommer in Betrieb isch. Bim Spiel- und Lernmaterial hend alli Chindergärte en Teil vo ihre Sache abgeh und me het, numme s Nötigschte chaufd. Nach de Aasproche hend di aawesende Persone de Chindergarte chönne besichtige.