Zwüschem Chreisel Bahnhofstrass und em Rothuuschreisel isch de Deckbelag vo de Zentralstross ernoiered worde. Wil mir vo verschidnige Siite nach em Grund gfröged worde sind, hend mir recherchiert.
De Grund für d Sanierig sind di starche Kornusbrüch, wo es im Strassebelag geh het. We me den dann ned saniert, bruuchd es öppe zwöi Johr spöter en Totalersatz. Um das z vermiede, gets e Methode, wo au schon bi anderne Strosse usgführt worde isch, zum Bischpiel a de Grünstrass.
Es wird en Microbelag iibaut, wo d Läbesduur vom Deckbelag um 12-15 Johr verlängered, aber numme 30% vo dem choscht, was es für en normale Belagerstaz bruuchd. Während de Heissbelag am Aafang finkörnig isch und spöter rauer wird, isch de Microbelag am Aafang ehnder rau und wird dann mit de Ziit finer. Zudem isch de Lärme bim noie Belag um öppe 4 dB liisliger, wil Microsil-Belägmit ere Deckschicht DSK 0-4 lärmmindernd sind.