Vom Fritig 5. Juli bis zum Sonntig 7. Juli findet s traditionelle Wettiger Fäscht uf em Bez- und Rathuus-Areal statt. Fast wie gwonnt, werdet diversi Verein Ihres Angebot i de bekannte Umgäbig aabiete.
Nachdem im letschte Johr de „Rot-Platz“ ned gnutzt werde hed chönne, esch de Platz das Johr weder debii. Aber es änderet sich scho weder einiges! D Handballer med Ihrer 2-stöckige Bar send nümm debii, au s Rave-Zelt macht bereits nümm mit, a dere stell esch jetzt s RWW-Barzelt. D Landfraue und Ihri feine Öpfelchüechli suecht mer das Johr au vergebe! Neu z finde esch de Verein, Kollektiv Grüezi in zämearbeit mit em Rote Turm Bade med de Schiffsbar hinder em Rathuus.
Au s Openair findet Fritig und Samschtig uf de Brüehlwiese statt. Wer, wenn uf de Bühni stood findet Ihr uf dere Huus-Sitte: https://www.wettinger-openair.ch/line-up
Sämtliche Informatione übers Fäscht findet Ihr uf dere Huus-Sitte: https://www.wettiger-faescht.ch/
Am Samschtig findet i dem Johr au s Viertelfinal Spiel vo de Fuessball-EM statt mit de Schwiizer. Wer und wo de Match z gseh esch am Wettiger-Fäscht, werd sech zeige… =;O)