Vor guet 11 Täg esch s 100 Johr Badefahrt Jubiläums-Fäscht mit eme gross Knall eröffnet worde. Gester esch es ohni es grosses Füürwerk, wo eigentlich Tradition wäri, bereits nach 10 Täg weder verbii gsi.
Mit grossartige Baute, wie d Färbi, s Chartehuus, s Volare, de Salon Vert und s Anna, nur um einigi z nänne, wo au no uszeichnet worde send, hed es fantastisches Fäscht stattfgfunde. Neb de Baute hed mer sech med asiatische, orientalische, amerikanische ond schwiizerische Spiise chönne verwöhne lo. Bier us em 2 Franke Depot-Becher oder s NEO-Fäscht-Bier us de Aludose! Drinks, Wy, div. Mineral und und und, eifach alles hed mer chönne finde und verchoste!
Au de Petrus muess en Bademer sii, hed mer immer weder ghört. Mer hed aber au anders ghört zu dere Badefahrt. Mehrfach ghört worde esch, dass die Badefahrt Ihri Seel verlohre häb! Oder es esch au gfroged worde wie das s’Thema NEO be de einte oder andere Fäschtbeiz umgsetzt worde esch! Au be de Barrierefreiheit esch es ned so erfreulich umgestzt worde wie be A bis Z beschrebe gsi esch! Es hed au Aawohner gä, wo gar ned erfreut gsi send, dass mer ihne de Parkplatz für fast en Monät graubt hed!
Alles in allem esch es aber weder e tolli und erfolgriichi Badefahrt gsi, und Bevölkerig freut sech bereits uf die nöchst.