Nachdem im letschte Johr kei Uftritt stattgfunde händ, sinds i dem Johr weder unterwegs, d Sternsinger vo Wettige.
Das Johr sind d Sternsinger mit ihren 4. Spiel, wo im 1998 s erschti Mol ufgfüehrt worde isch, unterwägs. Bi dem Spiel, wo vo de Suzanne Rohr gschribe worde isch, stönd drü Hirtinne im Zentrum, wo d Botschaft verkünded.
Scho am letschte Sonntig, 11. Dezember 2022 händ d Sternsinger z Schänis de erschte Ufführige gha, wo si in de Chele St. Sebastian z Gast gsi send. Di witere Uffüehrige sind am Samschtig, 17. Dezember 2022 im Chloster Wettige und traditionell am Sonntig, 18. Dezember um Halbiföifi am Abe in de Chele St. Anton, um Halbisächsi vor de Reformierte Chile und zum Abschluss uf di Sibni im St. Sebastian.
Meh Detail zo de Sternsinger findet Ihr uf de Huus-Sitte: https://www.wettingersternsinger.ch/