Chrütter-Segnig uf em Sulperg

default

Immer a Maria-Himmelfahrt organisiert de Kapelleverein mit de Liturgiegruppe St.Sebastian e chlini Andacht und d Chrütter-Segnig. Geschter esch si wider gsi.
Maria-Himmelfahrt z fiire uf em Sulperg esch e fiire vo de Sinn, wo scho bem Ufschtiig beginnt und Treppeschritt für Treppeschritt eus us em Alttag erhebt. Debii lockt eus d Natur med Farbe, Grüsch und Düft. Dobe aacho esch mer gschütz dur Bäum und d Bsuecherinne und Bsuecher chönd ihchere id Stilli, med eme Gebet oder au numme zum d Natur uf em Sulperg z gnüsse. Rund 25 Persone send med ihrne Chrüttli das Johr uf de Berg cho und händ mitenand inere chline Andacht a Maria wo gen Himmel gfahre denkt. I de Andacht werdet denn d Chrüttli gsegent aber au de Wald, Blueme und Pflanze rund herum und alli Anwesende, und das Johr esch au um Rege betet worde.
Im Anschluss vo de Andacht hed sech de Kapelleverein med em Apero be allne herzlich bedankt für de Bsuech und s inne halte zu gedenke a Mariae Himmelfahrt.