A de Schartefelsstrass z Wettige hets am Mentig, 13. Juni 2022 brönnd. D Füürwehr isch mit öppe föif Fahrzüüg im Iisatz gsi.
E hellgraui Rauchwolke het aazeigd, dass bieme Wohnhuus a de Schartefelsstrass öppis ned stimmt. Wil me de Brand am Lägerehang fast vo überall im westliche Gmeindsgebiet het chönne gseh, sind vili Lüt a de Strasse gstande. D Flamme, wo us em Dachstock cho sind, het me guet gseh.
Schnell isch au d Füürwehr unterwägs zum Brand gsi, und öppe ab de Halbiviiri am Namittag isch d Rauchwolke fascht ewäg gsi. De Iisatz isch aber no ned vorbi und wer ned unbedingt muess, set ned versueche d Schartefelsstrass hinteri z fahre.