Vom 15. bis zum 26. Juni 2022 isch s Kantonali Turnfäscht (KTF 2022) im und rund ums Tägi. Mit «Salto Handstand Pyramide» gits au e Fotiusstellig, wo vo de Galeri Gluri Suter Huus (GSH) zäme mit em Historische Museum z Ännetwettige organisiert wird.
Jede, wo vom Tägi her Richtig Würelos fahrt, gseht, dass da öppis grosses am Entstah isch. S KTF 2022 startet am Mittwoch mit ere grosse Eröffnigsshow. Wie immer, gohts bim KTF aber ned numme um d Wettkämpf, sondern au ums Fiire und i dem Johr chunnd au d Kunst ned z churz. In ere Kooperation vo de GSH mit em Historische Museum gits uf em Fäschtgländ d Usstellig «Salto Handstand Pyramide», in dere e lustvolli Präsentation mit historischem Bildmaterial us de Fotisammlig vom Gmeindarchiv Wettige und em Stadtarchiv Ännetwettige zeiged wird. Es lohnt sich au i dere Usstellig vorbizluege.
Witeri Informatione und d Öffnigszite finded sich do: https://wettingen2022.ch/foto-ausstellung/