Messe Baue + Wohne und Minigolfstart im Tägi

Vo Donnschtig, 7. April bis Sonntig, 10. April 2022 find uf em Areal vom Tägi d Mess Baue+Wohne Aargau statt, s erschti Mol sit Usbruch vo de Pandemie. Glichzitig startet am Samstig, 9. April d Minigolfaalag in di noi Saison.

Wie s Tägi innere Mediemitteilig schribd, sig d Froid gross, dass s Tägi nach zwöi Johr Unterbuch endli wider bi ere grosse und bedütende Veraastaltig Gastgeber cha si. D Mess Baue + Wohne find zum erschte Mol nach de Sanierig vom Gsamtareal statt, so dass d Aalag cha zeigem wi vilsitig si isch.
Meh wie 180 Ussteller werded in vier Halle, uf de Tägerhardstrass, em Tägi-Vorplatz und
in de Eventarena ihri Produkt und Dienschtleischtige präsentiere. Au Fachvorträg zu
Themene wie Liecht, Wärmepumpe, Chuchiplanig oder Solarstrom werded aabote.
D Mess isch am Donnschtig und Fritig vom Eis am Mittag bis um Achti am Abe und am Samschtig und Sonntig vom Zähni am Morge bis um Sächsi am Aben offe. Es wird empfohle, mit em ÖV oder em Velo z cho. Uf de Zirkuswiese gits aber au chostepflichtigi Parkplätz.

Am gliiche Wochenend, am Samschtig, 9. April wird au d Minigolfsaison im Tägi iiglüted. D 18-Loch-Minigolfaalag isch bi schönem Wetter jede Tag vom Eis am Mittag bis um Achti am Abe göffned.