Am Donnschtig, 24. Februar 2022 het en 92-jährige Autofahrer d Herrschaft über sis Fahrzüüg verlore. Er und sini Beifahreri Hemd sich erheblich verletzt.
Zwei Krankewäge und zwei Polizeiauto sind geschter zwüsche Sächs und Sibe am Abe zum Restaurant Schloss Schartefels usgrückt. Wie d Kantonspolizei schribd, het en 92-jährige Automobilist d Herrschaft über sin Wage verlore gha und isch in e Muur innegfahre. Er het uf em Parkplatz welle wende und het dodebi s Gas- und s Bremdpedal verwächsled. De Nissan isch us dem Grund über de Platz «gschosse» udn heftig in e Muur prallt.
De Lenker het selbständig chönne usstiege und het de Unfall im Resaturant gmeld. Di beide Ambulanze hend dann ihn und sini 90-jährigi Beifahreri ins Spital brochd. S Auto het Totalschade.
D Staatsawaltschaft Ännetwettige het bim Unfallfaherer e Bluet- und e Urinprob aagordned.