De Krieg in de Ukraine macht vili betroffe und hilflos. Di reformiert und di katholisch Chile organisiered zämme es ökumenisch Friedensgebet.
Sit em 22. Februar 2022 laufd de russisch Aagriff uf d Ukraine. En Chrieg z Europa, numme zwöiehalb Flugstunde vo ois, macht vili Mönsche sprachlos und truurig. Zum ned eifach tatelos zueluege, laded de Gmeinleiter vo de römisch-katholische Chile, de Markus Heil und de reformiert Pfarrer Lutz Fischer-Lamprecht zueme Friedensgebet ii. Alli sind iiglade, wo für d Mönsche in de Ukraine wend bäte. S Friedensgebet find am Sonntig, 27. Februar um Föifi am Namittag in de Kapelle vo de Antonius-Chile statt.