D Helvetic Waves hend ihrs Ziel erreicht. In de Nacht sind si uf Antigua aacho.
40 Täg, 13 Stund, 25 Minute und 55 Sekunde sind d Helvetic Waves im Rahme vo de Talisker Whisky Atlantic Challenge 2021 uf em Atlantik unterwägs gsi. In dere Ziit sind si vo La Gomera bis uf Antigua grudered. Insgsamt hend si 2776 Seemeile zruckglegt, was öppe 5141 Kilometer entspricht.
Mir gratuliered de Wettiger Brüedere Georg, Sebastian und Peider Stocker und ihrem Cousin Matthias Odermatt ganz härzlich. Wie de Veraastalter mitteild, sind weniger Lüt über de Atlantik grudered, wie im Weltall gsi si. Das zeiged, was für e usergwöhnlichi Leischtig das isch.
Uf ihrem Boot Heidi hend si Logos und Name vo Sponsore über de Atlantik brochd und mir froied ois, dass au d «Wettiger Nochrichte» UF di Art in de Noie Wält aacho sind.
D Aakunft chas me uf YouTube (ab Minute 38) aalueged, wo si au live übertrage worde isch: