Weli Partei unterstützt wer?

Am 13. Februar 2022 esch d Ersatzwahl für de freii Gmeindratssitz. Be de Parteie sind d Präferenze klar.
Au wenn im 1. Wahlgang jede Stimmbürger wählbar esch, wird sich d Wahl wohl zwüsche de beide offizielle Kandidate, em Markus Haas und em Markus Bader entscheide. Nebem Vorname hend die beide au gmeinsam, dass beidi bi de Füürwehr und im Iiwohnerrat gsi si.
Es ged aber au Unterschied: De Markus Haas hed Exekutiverfahrig, esch er doch in de letztschte Legislatur scho Gmeindrat gsi. Be de Wahl im September 2021 hed de Markus Haas mit 3’037 dütlich mehr Stimme gah, wie de Markus Bader mit 1’789 und au be de Unterstützig durch d Iiwohnerratsparteie sind d Verhältnis eidütig: De Markus Bader wird numme vo sinere eigede Partei, de SVP unterstützt, während de Markus Haas, nebe sinere eigete Partei, de FDP, au uf d Unterstützig vo Die Mitte CVP und GLP cha zähle und uf EVP, WettiGrüen und SP, wie d Limmatwelle brichted hed. Au s Forum 5430 het in Zwüscheziit bekannt geh, de Markus Haas z unterstütze.
Wie d Wählerinne und Wähler entscheided, werded mir am 13. Februar 2022 wüsse.