De Brancheverband Aargauer Wy het het d Priise für de «goldene Aargauer Weingenuss» verliehe. D Claudia und de Michi Benz hend dodebi zweimol mit Gold uszeichnet worde.
Nebe de grössere Wettiger Wyproduzente vom WyStern, Steimer Weinbau und em Grafeguet gits z Wettige au chlini Winzer, wo ned eso bekannt sind. Au si produziered guete Wy, wi Benz-Weine grad zeigd het. D Claudia und de Michi Benz hend für d Uszeichnig «goldene Aargauer Weingenuss» vom Brancheverband Aargauer Wy zwöi Wy igreicht: de Weissherbst 2020 und de Pinot Noir Barrique 2019. Beidi Wy sind mit Gold uszeichned worde. D Urkunde hend d Claudia und de Michi Benz am Tsischtig, 23. November 2021 nach de Sitzig vom Grosse Rat im Ratskeller z Aarau chönne entgegeneh.
We me di Wy wot chaufe, cha me am Mittwoch, 8. und 15. Dezember vom 6i am Abe bis um 9i vorbiliuege oder am Sunntig, 19. Dezember vom 11i am Morge bis um 4i am Namittag, we Corona ned dezwische chunnd. Aktuelli Infos find me uf de Website: www.benz-weine.ch