Mit viel Schwung isch de Verein «Traktandum 1» am 24. November 2014 gründ worde. Sit em Abe vom 23. September 2021 isch er Gschichte.
Es isch e chli wi binere Abdankig i de Ziit vo de 1. Welle vo de Coronapandemie gsi. Numme acht Lüt sind cho, dodevo föif Vorstandsmitglieder, zum d Uflösig vom Verein z bschlüsse. De Bschluss isch einstimmig gfasst worde.
Gründ worde isch s «Traktandum 1» vo Lüt, wo sich nach de Ablehnig vo de Fusion zwischen Ännetwettige und Noiehof für Fusione in de Region Bade hend welle iigsetze. Schnell het de Verein 150 Mitglieder gha und isch namentlich vom Badener Tagblatt in sim Iisatz für e Fusion zunere Zentrumsstadt unterstützt worde.
In de Zwüscheziit isch d Euphorie zruckgange, de Verein gseht aber au positivi Signal für en engeri Zammenarbet i de Region, sigs dur d Modellstadt und au d Fusion zwüsche Ännetwettige und Turgi.
S Vereinsvermöge, au der Entscheid isch einstimmig gsi, ans Familiezentrum Karussell.