In de Sitzig vom Grosse Rat vom Kanton Aargau am 14. September 2021 het de Ratspräsident de Rücktritt vo de Susanne Voser bekannt geh. Ännetwettige übechunnd dodemit en witere Grossrat.
D Susanne Voser het us bruefliche Gründ ihre Rücktritt us em Aargauer Kantonsparlament uf Ändi September erklärt. Das het de Präsident vom Grosse Rat, de Pascal Furrer, hüt z Aarau bekannt geh. Wi s Badener Tagblatt schriibd, git d Susanne Voser dodemit ned numme s Vizepräsidium vo de Fraktion ab, sondern tritt au als Vizepräsidenti vo «Die Mitte Aargau» zruck.
Nachfolger wird de Ännetwettiger Stadtamme Markus Schneider, so dass Ännetwettige nach de hütige Inpflichtnahm vom Adrian Gräub (SVP) innerhalb vo numme zwöiehalb Mönet grad zwöi zuesätzlichi Grossrät het. Ännetwettige chunnd dodemit ab November uf sibe Grossrät und überhold Wettige, wo sit em Rücktritt vo de Michaela Huser numme no sächs Vertreter im Kantonsparlament het.