Mit viel Enthusiasmus het Marie Louise Reinert im Wasserreservoir Scharte 2 Konzert organisiert. Am 12. und am 26. September 2021 sind di letschte Glägeheite, in dere bsundrige Atmosphäre Musik z gnüsse.
«Wo Wasser war – wird Klang» isch de Titel vonere Konzertreihe, wo de Verein Klangwelt Lägern, hinter dem d Marie Louise Rienert stoht, fürs s 975-jährig Jubiläum vo Wettige fürs 2020 het planed gha. Dur Corona isch es dann ganz anderscht cho und d Konzert sind ufs 2021 verschobe worde. 10 Konzert mit 4 verschidnige Programm hets in de Zwüscheziit im alte Resservoir scho geh und meh wi 300 Persone sind in de Gnuss vo dem ganz spezielle Klang cho. Am 12. und 26. September 2021 sind di letschte Konzert vo dere einmalige Reihe.
Am 12. September spieled de Robert Mark (Perkussionist) und de Michael Voss (Klangkünstler) um Zwöi und um Vieri am Namittag und um Sächsi am Abe. Am 26. September, zu de gliiche Ziit werded de Mats Scheidegger (Gitarre) und sini Tochter, d Hannah Beutler (Sopran) de Ruum mit Klanf fülle.
Jedes Konzert duured öppe 45 Minute. Für freii Plätz, wo 30.- Franke choschte, cha me sich an d Marie Louise Reinert wende: ml.reinert(at)bluewin.ch oder 079 386 55 54.