Sproch-zu-Text-Software und Chatbots hend es Problem. Si chönnd keis Schwiizerdütsch. Das sell sich ändere und du chasch mitmache.
In de ganze Dütschschwiiz werded fürs Projekt «Schwiizer Dialektsammlig» Sprachufnahme gsammled, zum Computerprogramm Schwiizerdütsch z lehre.Mit de Aktion «Kampf vo de Kantön» und attraktive Priis selled Lüt animiert werde, sich am Forschigsprojekt «Schwiizer Dialektsammlig» z beteilige. Freiwilligi Nutzerinne und Nutzer übersetzed schriftdütschi Sätz in ihri eigedi Mundart und chönnd si do bi de Dialektsammlig ufspräche. Au Ufnahme vo anderne Nutze cha me überprüefe.
Zum Erfolg ha, muess es möglichscht vili Ufnahme in allne Dütschschwiizer Dialekt geh. S Ziel sind 2000 Stund Sprachufnahme. S Ergäbnis wird für Forschigszweck veröffentlicht.
Im Kampf vo de Kantön het s Wallis zur Ziit d Nase vore, Züri isch zwöite und de Aargau uf Platz sibe.