Uf de Hochbrugg z Ännetwettige isch es am Mittwoch, 26. Mai 2021 um Zehabvieri am Namittag zueme Unfall zwüschem Fuessgänger und eme Scooterfahrer cho. D Kapo suecht de Scooterfahrer und Augezüüge.
Vo de Cordulapassage het isch am Mittwoch en Scooterfahrer uf em Trottoir über d Hochbrugg Richtig Wettige gfahre. Dete isch er miteme Fuessgänger zämmegstosse, wo ihm entgegen cho isch.
Beidi siged bim Zämmestoss umgheid, schriibd d Kantonspolizei in de Mediemitteilig. De 59-jährig Fuessgänger isch mit em Chopf uf em Bode ufgschlage und het sich erheblich verletzt. En Ambulanz het en aaschlüssend ins s Spital brochd.
De Scooterfahrer isch nach de Kollision wider ufs Trottinett gstige und Richtig Wettige devo gfahre. Er het e schwarzi Jacke und schwarzi Trainerhose mit wysse Streife aagha und e Baseballchappe ufgha.
D Kantonspolizei z Baden (Telefon 056 200 11 11) suecht de Ma und au Augezüüge.