D Wettigeri Ria Estermann isch am letschte Sunntig mit em LK Zug Schwiizermeischteri worde. D Handballerinne uns de Innerschwiiz hend sich im dritte Playoff-Finalspiel chönne duresetze.
Vor guet zwöi Woche hend d Zugerinne scho de Cup gwonne und jetzt sind si wider erfolgriich gsi: Zum föifte Mol sind d Innerschwiizerinne Meischter in de SPAR Premium League 1 worde. In de Serie best-of-5 hend si gege de LC Brühl Handball numme drü Playoff-Finalspiel bruuchd. Im dritte Match in de AXA Arena z Winterthur hend si sich mit em 33:29 (16:13) de Titel Schwiizermeischter gsichered und dodemit a s Double gschaffd.