Am Donnschtig, 31. Dezember 2020 isch churz ab de Sächsi am Abe e Fuessgängeri aagfahre worde. Si isch mit mittelschwere Verletzige ins Spital cho.
D Kantonspolizei schriibt in ere Mediemitteilig, dass geschter e 57-jährigi Zürcheri uf de Landstrass Richtig Bade unterwägs gsi isch, wo e 28-jährigi us de Region d Strass uf em Fuessgängerstreife het welle überquere. De PW vo de Zürcheri isch frontal mit de Fuessgängeri kollidiert. Di 28-jährig Frau isch bi dem Unfall mittelschwer verletzt worde, und isch vo de Ambulanz ins Spital brocht worde.
D Kapo het d Ermittlige ufgno, zum Kläre vom Hergang vom Unfall und de Automobilisitin de Fahruswiis abgnoh und si bi de Saatsaawaltschaft verzeigd.