Landesverweis wege Straftat z Wettige

Am 23. Dezember 2018 het es a de Landstrass en Vorfall geh, wo zueme Landesverwies führt. Di erschti Instanz het no druf verzichtet gha.
Wi s Badener Tagblatt schribd, isch en hüt 38-jährige Kosovar vom Obergricht zuere Gfängnisstraf vo 3 1/4 Johr verurteilt und zueme Landerverwiis vo 15 Johr. Dodemit het s Obergricht s Urteil vom Bezirksgricht verschärft. Du Grund für d Verurteilig isch e versuechti schweri Körperverletzig gsi.
De hüt 38-jährige Kosovar G. isch wege lichter Körperverletzig vo sinere Frau vorbestraft gsi und er het es grichtlichs Verbot gha, de Wohnig vo sinere Frau z nöch z cho. Glichwohl het sich de G. mehrmols ned an das Verbot ghalte, au ned am Tag vor Heiligabe im 2018. Er isch mit em Auto e paar mol zwüschem Rabechreisel und dem bi de Centerpassage hin- und hergfahre, was sim Schwager, em V. Der het sim Schwager de Vogel zeiged und ihn en «Tubel» gnennt. D Situation isch dann eskaliert. De G. het aaghalte und isch uf sin Schwager losgange. De G. het dann no en 37 Zentimeter lange Schrubeschlüssel us em Auto gholt und öppe zehmol zuegschlage, wi Züüge usgsaid hend. Mindescht zwöimol het de G. de V. am Chopf troffe und mindescht eimol a de Schultere. De V. het di meischte Schläg chönne abwehre, het aber Prellige erlitte und en Muskelriss. Er isch mehreri Woche arbeitsunfähig gsi. De G. het lichti Verlitzige gha: bluetergüss, Schürfige und Schwellig. Vor Gricht het er uf Notwehr plädiert, aber ufgrund vo de Züügeussage isch er vom Bezirksgricht Ännetwettige zuere Freiheitsstrof vo 3 1/4 Johr verurteilt worde. Sowohl de G. wi au d Staatsaawaltschaft, wo wege versuechter vorsätzlicher Tötig e Gfängnissstraf vo 7 1/4 Johr und en Landesverwiis vo 15 Johr gfordered het, hend s Urteil aagfochte.
S Obergricht het jetzt s Urteil vom Bezirksgricht gege de G. bestätiged und ihn für versuechti schweri Körperverletzig zu 3 1/4 Jahr Haft verurteilt. Anderscht wi s Bezirksgricht hets aber au en 7-jährige Landesverwiis usgschproche, wil es sich um e Katalogtat handled.