![Wochemaert isch zruck 3](https://wettiger-nochrichte.ch/wp-content/uploads/2020/05/Wochemaert-isch-zruck-3-640x381.jpeg)
Lang händ d Wettigerinne und Wettiger uf de Wochemärt uf em Rothuusplatz müesse verzichte. Hüt isch er wider offe und au d Polizei esch scho dete gsi.
Au we de Märt hüt am Vormittag wider göffned hät, esch es ned ganz eso wi vor de Corona-Krise. Scho früeh am Morge esch d Polizei cho zum Luege, ob alles coronakonform esch. «Es schint alles oke zsi, d Ständ stönd und d Lüüt stönd brav Schlange met Abstand», hät ois en Aawohnerin mitteild. Normalität esch aso, wi öberall, no ned iizoge, aber z gschpüre sind d Lockerige gliichwohl.