Unfall bim Rothuuskreisel

Geschter, Fritig, 14. Februar 2020 öppe um Nüni am Abig isch bim Rothuuskreisel es Auto verunfallt. D Polizei und d Sanität sind vor Ort gsi.
D Kantonspolizei schriibd inere Mediemitteilig, dass s Auto vonere 39-jährige Dütsche, wo us em Rothuuskreisel usse Richitg Chloschter het welle fahre, gege de gelb-schwarz Inselschutzpfoschte gfahre isch. Ihre Opel Corsa hets dadurch ufs Dach glegd. D Ambulanz het Bei- und Mitfahrer zur Kontrolle ins Spital brochd. D Verursacheri isch unverletzt blibe.
Wer hüt an de Unfallstell vorbigoht oder fahrt, gseht no Spure vom Unfall, ligd doch de Pfoschte no dere uf de Verkehrsinsle und me gseht au no Spure vo Ölbinder uf de Stross.